ع تلة في طراف البلد
قبل المسا بشوي
طلت صبية مكحلة
ما في مثلها زي
في عيونها ضحكة طفل
مثل القمر ..
تملا الليالي ضي
تمشي بهدا تمشي بخجل
وتلملم احلام العمر
ضمة ورد ..
للي وعدها بالفرح
عند المسا
على غدير المي
رسمت على حدود السما
فرحة عمر
والشمس نامت ع مهل
واللي وعدها ما وصل
مر الوقت ..
ساعات بذهول وصمت
راحت وجت
والليل قرب من جدايلها
والخوف من رد الاهل
دمعة ع خد الورد سالت
مثل نجمة حاملة هم العمر
ع كتف القمر مالت
والغصة تحرق هالقلب
والليل عتم عالدرب
واتنهدت ..
يمكن نسي ..؟
يمكن سبقني وما نطر ..؟
يا ليل لا تمحي الطريق
خلي القمر ..
سهران ع غصون الشجر
يحمل فرح .. يحمل امل
ويضوي على قلوب البشر
Yazan Alsadeq
ليست هناك تعليقات:
إرسال تعليق