معذور هالفستان بقلم : E- algharbi)

معذور هالفستان
متلو متل هالناس
من غيرة وحسد
متلو متل
هالحلوين
بيحب يتباها
ولهيك زاح ستار
عن وجهو الحلو
وبان الجمال بعظمتو
وتناسق جسد
لما شافني
بحبها غرقان
راح يتمادى
بأيديه يغمر
خصرها بقوة
وأنا صرت
متل شي مجنون
ما عاد عندي
للصبر جلد
يومها...
ما عدت شوف
غير غيرتي وهوي
شوقي
صار مواج بحر وهايجة
بوجها غضب
وعاتمها بيادر زبد
وعشقي
حطم الأعراف كلا
وبوقتها
قانون العشق انولد
معزور لو جنيت
متلي متل هالفستان
ولكل واحد بينجن
في عندو سبب
العشق والشوق
إذا ما اصبحو مجانين
مافي لزوم بهيك
إسم يتسمو
وبحبها لو كنت
مش مجنون
بيصير حب
فارغ من المعنى
حب وبس
حروف معلقا ببعضا
متل ارقام
ناتجها عدد
وعليهن
مرور بيمر هالانسان
وبينتهي من غير
مايطال المجد
E-algharbi