Zhret alsbah

.....أستاذ لا & أستاذ راضي .......
       ***************
أستاذ ( لأ ) واستاذ( راضي )
الاتنين عملة مش عادي
لا ليها سووووق
ولا بتسوووووق
حقها دايما تلاقيه مسروق
أستاذ ( لأ ) دايما فاضي
دايما عامل فيها قاضي
يحكم ويقرر احكام دا اصادي
ولا سامع ولا فاهم ولا بيراضي
ولا عاجبه كل الدنيا دي
تيجي تقوله بلدنا حلو نسيمها
يقولك: لأ لأ
تيجي تقوله تعالي نسيبها
مدام هواك مش حابب نسيمها
يقولك: لأ لأ لأ
طيب قلنا ايه رأيك ؟
ايه عاجبك او ايه مش عاجبك؟
يلوي بوووزه واللي تعوزه
منه مايجاوبك
طب قول ايه حتي يناسبك؟
تلقاه  يتمتم ولا يبرطم
الحال بقي مقلوب
وكله معيوب
الصالح بقي فاسد
والفاسد اسمه مكتوب
يبقي مافي غير ال ( لأ)
لازم اقولها وليا الحق
🔸🔸🔸🔸🔸🔸
أستاذ راضي راجل طيب
عمره ابدا علي حاجة مايعيب
قولي ياراضي..... راضي ليه؟
طب قولي..... ايه مش راضي عليه؟
يقولي :دا كله تمام ....يابيييييه
طب قولي مش عاجبك ايه؟
او حتي نفسك في ايه؟
يقولي الستر يابيييييه
🔸🔸🔸🔸🔸🔸
كلمة حق هاقولها بحق
العيب مش في اللي يجينا
العيب مننا فينا
العيب جوانا وملينا
العيب في الاتنين
( لأ) و(راضي ) دول مساكين
لا الراضي هينصف ويعين حق
ولا عمر ( لأ) يجيب حق
والحاكم والله ليه حق
مدام الكل بيتزق
قول رأيك قبل ماتلوم
علي يقرر وتيجي تلوم
وتقول حقي وخدوه
حقك ايديك.هما اللي ضيعوووه
                                #Zhret-Sbah
                               مايسة امام