وفجأه الاحساس إنعدم
واللهفه واحده واحده قلت
والاطراف تقيله الايد والقدم
والافكار عاجزه كأنها اتشلت
والقلب مقهور من زمن بيموت
حلم في الوجدان نبت
تبا لاحلام بتعيش وتموت
في صمت وسكوت
تبا لحلم وجوده من العدم
مواويل وقصص
مواقف وفرص
دروس وحصص
لكن ما اتعلمت إلا
من قريب طعن
شايفين المشهد بالمقلوب
شايفين الغالب هو المغلوب
شايفين الظالم عابد
ساجد بيتوب
هتوضح لمين وتبين
العمي مش نظر
العمي عمي قلوب
احمد عادل وهبه
ليست هناك تعليقات:
إرسال تعليق