ق/بعتذر من كل قلبي
ك/أحمد عبد الرحمن صالح
غصـب عني غيابي عنك
عمري يوم ما ارضى الوداع
صدقيني ظروفي صعبة
والغياب عنك ضياع
مهما تقسي راح اسامحك
قلبي حاسس بالصراع
اللي بين قلبك وعقلك
حاجه اقوي م الصداع
بعتذر من كل قلبي
اللي عمره ما ليكِ باع
اللي حافر جوه صورتك
صوره خالية م الخداع
بعتذر لو يوم ضايقتك
اقبليها بقتناع
العتاب منك محبة
جاوبي من غير إمتناع
بعشقك اقسم بربي
مهما تقسي في النزاع
مستحيل اقبل دموعك
وانتِ ساكتة في إستماع
إغلطي ثوري وحاسبي
اقتليني في الدفاع
اخرجي عن حلم صمتك
حطميني بندفاع
إسمحي لقلبي يصالحك
وانقذيني م الضياع
إغفرلي جهل بُعدي
واغفرلي الإنقطاع
طول غيابك كنت يائس
كل ايامي صراع
إسمحيلي بس أضمك
واقفلي باب الوداع
كلمات/أحمد عبد الرحمن صالح
ليست هناك تعليقات:
إرسال تعليق