ق/مستحيل انسى الحقيقة
ك/أحمد عبد الرحمن صالح
♨
♨
ليه تغالط وانت عارف إني حُبي ليك حقيقة
جوه مني شعور خيالي في حاجات صفيه وبريئة
قبلك انت كنت عايش دنية قاسية وفيها ضيقة
ليل وقسوة ونار وغُربة ذكريات كانت رديئة
كل حاجة حلمت بيها مستحيل تبقى حقيقة
♨
♨
لما جيت وسكنت روحي إبتدت قصة جريئة
إبتديت أقنع في قلبي للهوى مليون طريقة
قلبي سلملك أماله والوعود صبحت صديقة
والاماني شكل تاني زهرة الحب الرقيقة
شُفت فيك اوهام بتخدع غصب عني بقيت غريقة
♨
♨
وابتديت اكشف في كدبك جوه قلبي ميت حريقة
الليالي صحيح بتجرح بس صعب تكون شفيقة
ع القلوب اللي رميتها بين ايدين اشباح دنيئة
جرّحتها عذّبتها والتمن حسرة رفيقة
بعترف إني عشقتك والنهاية جراح عتيقة
♨
♨
إنتهت قصة سرابي جوه دمعة عين طليقة
الخداع دايماً بيوجع قلب رافض للحقيقة
غصب عني اقدرت اهرب من ضباب احلام صفيقة
كل واحد خد نصيبة و النهاية جراح عريقة
كلمات/أحمد عبد الرحمن صالح
ليست هناك تعليقات:
إرسال تعليق