قصيدة بعنوان عشوية
شعر غنائي شعبي باللهجة التونسية
" عشوية "
في جبة عروبي عربية
خرجت نعدي عشوية
بلغة تلمع في ساڨي
وفي راسي لابس شاشية
على وذني ياسمين وفل
وفي يديا ورڨة طرنجية
عرضتني سمراء تتمايل
زينها كامل وصبية
شافتني لابس قمرايا
ومعاها لابس شاشية
ڨالت لي أهلا يا سيدي
فبالها أنا شخصية
وشدتني هي من يدي
وقتلي هيا معايا هيا
نوريك زناڨي حومتنا
ونسرح زادا ساقيا
في جبة عروبي عربية
خرجت نعدي عشوية
رصتلي سارح في زناڨي
نعدي فيها سهرية
وطفلة عروبي ترافڨني
وحومة زادا عربية
( فرج العويني )
ليست هناك تعليقات:
إرسال تعليق