تلبية لطلب اخي وصديقي الاستاذ غريب دنيا والاستاذة المحترمة Soaad Mahmoudاقدم هذه الكلمات البسيطة
االتي وجدت نفسي اكتبها باللهجة العامية السورية
يا زمن مجنون
يا زمن شو صابك مس من الجنون
ليش بدلت السكر بحمض الليمون
ما عدت تفرحنا يومية بتجرحنا
وينن ملامحنا تركو مطارحنا
وخدود اللي دبلت الله يكون معها
مابقى ينفعها
لا دهون ولا معجون يا زمن مجنون
يا زمن مجنون
عم نركد عم نركد ودايم بتسبقنا
يا زمن ع الخطوة بتضل ملاحقنا
رجع شواطينا بحنيتا تلاقينا
وخلي شجر الكينا يداعب هالعيون
يا زمن مجنون
عم نحلم لو تهدى وتعود لضميرك
والضحكي النا تردا تا نغفى بسريرك
عم نعطيك الفينا وما عدت تعطينا
رجع ليالينا السرقتها الظنون
يا زمن مجنون
يا زمن مجنون عم تسرق الجمال
عم تركد عم تنهش مسحات الخيال
زادو التجاعيد والزمن السعيد
اصبح عنا بعيد والدمعة الغريبة
سكنت بالعيون يا زمن مجنون
منذر العلي
ليست هناك تعليقات:
إرسال تعليق