أبص فى مرايتى
وعايزة أحكى حكايتى
لكن مش لاقيه كلمات
تعبر عن كل مافات
ال فات سنين وايام
مليانه آهات وآلام
واوقات بسمات
لكن حكايتى غريبه
فيها كتير من الطيبة
والطيبة دى عجيبه
بتخلى صاحبها
تتبص ليه بصه غريبة
بصه ضعف مغلف بالطيبة
لكن مع مرور الأيام
والوجع والالام
الضعف يبقى قوة
والطيبه تبقى قسوة
وتيجى النهايه
واقول هتخلص الحكايه
الاقيها دى البدايه
بدايه قصه جديدة
فى حكايتى الغربية
حكايتى ال مالهاش زى
لا فى كتب ولا فى
مدينه ولا فى حى
ياناس أعمل ايه فى حكايتى
ال انا تعبت منها ومستنيه نهايتى
لكن تعرفوا مع كل ازمه تيجى فرحه
تيجى بسمه على الشفه
وكمان نسمه تلمس الروح بخفه
علشان نقدر نكمل وكمان نتحمل وتخلى
الأيام تعدى والسنين تفوت علشان
القلب يعيش ويبطل يموت
بقلمى
#سوسو آغا
ليست هناك تعليقات:
إرسال تعليق