مين اللي قال الحب
عشرة بالسنين
الحب ييجي في ثانيتين
يزلزلك
من الشمال.. لليمين
ويبدلك فرحان.. حزين
ويبهدلك
وتبقى فيه من المجانين
وتبقى عينك غير حبيبك
مش شايفين
تكلمه وتهمس الشوق والحنين
ويشوفوك يقولو عقله طار
شايف ازاي
واحنا مش شايفين
يا ناس في الحب العجب
ليه تلوموا الحبيبين
وانتوا لا دقتوه
ولا تعرفوا دمع الحنين
ووجع الوصال اقوى
من نار جمرتين
قابض عليهم في كفك
وفي كل جسمك مولعين
دا الحب بس...
للي حبوا
وعن دنياكم غايبين
تشوفهم معك وهما متغربين
ليهم حبيب غايب
حاضر في الروح مستكين
والشوق قتلهم
وقتلوا له نفوسهم راضيين
هو الحبيب اللي تحبو
لما يبقى قصاد عنيك
ابدا
دا الحبيب اللي غاب وهو سكنة
في الوتين
صلوا عليه وسلموا
وفي جمعتكم بيه متباركين
#مرڤت_البربري
جمعة مباركة بالصلاة والسلام على خير الأنام
صلوات عظمى من ربي وسلام لرسول الله
لا خلق أبدا يقدرها تعظيما لرسول الله
الصلاة المهداة
لعبد الله الدكتور / صلاح الدين القوصي
ليست هناك تعليقات:
إرسال تعليق